Mizo Elite News hi ṭha i tihzawng a nih chuan min lo Follow dawn nia

Khawvela Ovarian Tumour Lian Ber Chu Sergery Hlawhtling Takin An Nei

En mai pawh in hmuh a hrehawm khawp mai. Vanneihthlak takin a harsatna chu tihbo in a awm ta.

India ram a mi hmeichhia kum 52 a upa Nirmala tia koh hi khawvela ovarian tumour lian ber nia sawi a ni. Tumour hi 110 pounds (8 stone) chuang zeta rit a ni bawk. A taksa rihna chu tumour hian 45 per cent zet a hril, engtia ṭhang thut nge a nih tih hi a ngaihna a hre bik lo.

Kal vel chu atan thil theih loh ang tluk a ni a, a ke te pawh a vun phah vek a ni. Thawk lamah harsatna neiin a pum na tiin a insawisel a, Surgeon te chuan operate lo thei lo in an awm phah.

Delhi a Indraprastha Apollo Hospital ah Surgery hi an nei. Operation hlawhtling tak a neih niin tumour lian tak hi nuaibo sak a ni. Surgery ti tu Dr Arun Prasad chuan hetiang thil hi kum 30 chuang a medical professional ah a la hmuh ngai loh thu a sawi hial a, operation hian darkar 3 leh a chanve lai hun a awh bawk.

Surgery ti tu zinga mi Abhishek Tiwari chuan tumour in a kawchhung lam ah pawi a thlen hman lo chu a vanneih hle thu a sawi a, Prasad pawhin a team te chu dinhmun khirh leh derthawng tak kara an hnathawhna ah fak an phu tih a sawi bawk.

2017 khan Tamil Nadu a nu pakhat pawh ovarian tumour 34kg zet chu paihin operation hlawhtling taka neih alo ni tawh.

Mirror