Mizo Elite News hi ṭha i tihzawng a nih chuan min lo Follow dawn nia

Mipa Naupang Kum 1 Chu Vanduaina Tawka A Boral Hnuah A Taksa Peng Ṭhenkhat Midang Hnenah Hlan

China ram Jiangsu Province a Kunshan a mi mipa naupang Haohao tia koh hi Suzhou a hotel ah a nu leh pa te nen chhungkua in an khawsa a, kum 1 a tlin hma lawk August 7 khan vanduaina tawkin room ah chaw ei in an kal chhet chhet chu chhuat ah a tlu sual palh, ṭap in a chaw ei chu a hak a thaw thei lo in a awm.

Damdawiin lamah a nu leh pa te hian hruai vat mahse an tlai hman. An fapa chu thaw thei lo a a awm rei vangin a nunna an chhan hman lo.

An fapa chunga vanduaina thleng avang chuan a nu leh pa te pawh in tuarthiam har an ti hle. A pa Lyu chuan a fapa chu piancham lawmpuina a hlan a, accident tawk lo se chuan a kum 1 tlinna a lawm ve thei tur a nia tiin a lungchhe hle.

Haohao taksa peng ṭhenkhat a lung,thin leh kal (kidney) te chu donate in, amah vangin organ failure mi 4 lai nunna a chhanhim sak phah dawn a ni.

Children’s Hospital of Soochow University, east China’s Jiangsu Province ah Aug 12 khan Surgery an nei a, surgery neih hma in nurse leh doctor te chuan Haohao hi zahna chibai an buk a ni.

Fapa neihchhun ruang zai hawng a, a taksa peng te midang tan an hlan thei hi an fakawm tak zet. Ma Hongying, secretary-general of the Suzhou Red Cross Society chuan Haohao nu leh pa ten mahni hmasial lo a duhthlanna khirhkhan tak an siam chu ropui a tih thu a sawi hial a. He naupang hi Jiangsu organ donor naupang ber a ni zui nghal bawk.

Bignewsnetwork