Hripui vangin School leh College te an chawl a, Online vek in thil tih a ṭul tawh.
Online class hi tam tak tan chuan a awlsam zawk a, mahsela khawsak harsa ve tak tak chhungkua leh thingtlang lam zawk a awm te tan erawh chuan Online Class hi thil buaithlak tak a nih theihna chin a awm bawk.
Maharashtra a Dhadgaon village, Nandurbar district ah zirtirtu chu a zirlai te nen network harsatna avangin Signal ṭha zawk beiseiin thingkung ah an lawm a, thinkungah zirtirna an lo in pe a ni.
An thlalak hi ANI chuan a rawn phochhuak. Laxman Pawar hi zirtirtu a ni a, Network ṭhat loh vang in heti hian thing ah lawn in zirtirna an in pe. A zirlaite tana a inhlanna leh a inpekna avang hian a fakawm viau a ni.
Deputy Director of Education, Divisional Officer Nashik Praveen Patil chuan helai area ah hian mobile network tower a tlem in an tlakchham hle thu a sawi bawk.
India ram hmun hrang hrang ah Online Class vang hian harsatna tawk an awm nual tawh. Rajasthan a zirlai mipa pakhat pawh Online Class a zawm theihna turin nitin tlangah a lo lawn ziah ṭhin a ni.
India.com