Mizo Elite News hi ṭha i tihzawng a nih chuan min lo Follow dawn nia

Pasal Huaisen Chuan Shark Lak Aṭang A Nupui Nunna A Chhanhim Sak

A va han chhuanawm em. Mangang leh chiai buai mai lo in huaisen takin pasal a nihna anga a mawhphurhna a hlen a. Thih huam in a nupui chhan nan chuan a hmachhawn zawk a ni.

Inrinni liam ta a Australia beach a thleng a ni a. Chantelle Doyle, 35 chu a pasal Mark Rapley nen surfing in Port Macquarie a Shelly Beach ah an kal. Vanduaithlak takin an beisei loh leh rinloh tak thil an tawng.

Metre 3 vela lian Shark chuan Chantelle Doyle hi pan hnai in alo bei a, Shark in a beihna ah hian a ke dinglam ah hliam na tak a tuar phah.

A nupui Shark in a bei tih a hmuh chuan Mark hi tuiah a zuanglut nghal vat a, a nupui chhan nan theihtawp in Shark hi bei let in a kuttum in a lo hnek. Vanneihthlak takin Shark lak aṭang hian an insaseng thei hram a, a huaisenna vangin a nupui chu a nunna chhanhim in a awm phah ta a ni.

Thil thlen hnu hian Paramedic crew leh specialist medical team te chu Westpac Helicopter in a hmun ah an kal nghal. Hliam tuar Chantelle leh a pasal hi Port Macquarie Base Hospital ah hruai an ni a, a hnuah Chantelle hi Surgery turin Newcastle lam panpui leh a ni.

Tunhnai lawka New South Wales’ northern coast a Shark beih ṭum 3 thlenna a ni tawh. Vanduaina thlen hnu ah Port Macquarie area a beach te chu khar lailawk a ni nghal bawk. A nupui chhan nana a nunna derthawng a dah tu Mark Rapley hi Surf Life Saving NSW chief executive Steven Pearce chuan a huaisenna chu ropui a tih thu sawiin a lo fak hle nghe nghe a ni.

Metro