Mizo Elite News hi ṭha i tihzawng a nih chuan min lo Follow dawn nia

Mipa Naupang Fahrah Thusawi Chuan Mitam Tak Thinlung Hnehin Fa Atana Lak An Duh Thu An Auchhuahpui Chuah Chuah

He Oklahoma naupang kum 9 mi Jordan hi kum 6 chhung teh meuh fahrah awmna hmun foster care ah hun alo hmang tawh.

A nau mipa Braison chu nikum khan chhungkaw pakhat in fa atan an lo la tawh a. Jordan hian tunah chuan a nu leh pa thar tur te nghakhlel takin a thlir ve mek a ni.

KFOR in an kawmna ah chuan a thusawi vang in mitam tak thinlung a hneh a, Jordan hian awmna hmun nghet neiha chenna in tia sawi tur chu a duh hle tih a sawichhuak.

A duhthusam pathum an zawh chuan “Chhungkua,chhungkua,chhungkua. Chhungkaw neih ve chu ka duhthusam ber a ni” tiin a chhang a, nu leh pa tia koh tur neih ve chu a chak thu a sawi bakah a len hunah Police Officer nih a chak a, mahsela chumi a puitlin hma chuan chhungkaw neih hmasak phawt a mamawh a ni.

He a thusawi leh a duhthusam hian mitam tak rilru leh thinlung a khawih ngang mai. Darkar 12 a liam hnu ah mi 5000 chuang zet chuan fa atan a an lak duh thu an sawi.

New Jersey, Florida, Illinois leh Kentucky aṭang te in Jordan la duh tu te hian an biak thu an sawi bawk a, heng fa atan a diltu te hi an en thlithlai hnuah atana ṭha ber tur ngaihtuah chungin a nu leh pa thar kiangah Jordan hian hun a hman ve theih vat tur thu state worker, Christopher Marlowe chuan a sawi a ni.

DM