India ram Uttar Pradesh a Lakhimpur Kheri district ah hmeichhe naupang kum 13 chu pawngsual a nih hnu ah thah a ni.
A ruang hi Inrinni khan fû hmun ah chhar a ni a, tualthat tu nia sawi mipa pahnih te chu Police ten an man tawh bawk.
Hmeichhe naupang hringtu pa chuan a fanu hi thaw thei lo in an siam a, a mit ker sak anih bakah a lei (tongue) chu tan sak a nih thu a sawi. Thil thlen hun hi Zirtawpni khan a ni a Lucknow atanga km 130 a hla ah a ni.
UP Police te chuan hmeichhe naupang ruang hi Postmortem an neih ah a mit kher/ker a nih loh thu leh a lei tan a nih loh thu an sawi a,autopsy ah chuan pawngsual leh rehhlum tih chauh a lang an ti.
“A mit ker a nih loh bakah a lei tan anga sawi kha thudik lo ani. Hetiang hi postmortem ah engmah hmuh a nilo. A mit bawr ah chuan pem chu a awm a, hei hi chu fû (sugancane) hnah ten a atna niin a lang zawk” tiin SP Kheri Satendra Kumar chuan a sawi.
Heng an mi man 2 te lakah hian pawngsual leh tualthah thubuai awrhtir nghal an nih thu a sawi tel bawk.
NDTV