Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 13 Miin Naute Hring, Naute Pa Ah Mipa Naupang Kum 10 Mi

Russian hmeichhe naupang kum 13 mi hian naute a pai a. Naute pa ah hian mipa naupang kum 10 mi a puh bawk.

Darya Sudnishnikova hian a bialpa Ivan fa a pai thu a sawi khan a lar zui chak hle a, khawvel pawh in mak a ti ve viau a ni.

A tawp a tawp ah chuan Darya Sudnishnikova hian naute a hring ta ngei a, hmeichhia a neih thu a sawi.

Instagram ah amah zuitu mi 350,000 chuang hma ah chuan naute chu Krasnoyarsk, Siberia a clinic ah a nei tih a sawi a,a kum ala naupang bawk nen nau neih hi a harsat viau bawk a ni awm e.

A naute thlalak pawh engmah a la tarlang lo. 8lbs leh 21 inches a nih thu ringawt ala sawi. Nakin ah kim chang zawka a puan leh tur thu a sawia Doctor in tunah rih chuan chawl hahdam rih turin a lo ti a ni.

Mahsela Darya Sudnishnikova hian a naute pa a kum 10 mi Ivan a puhna erawh a dik tawk lo. Amah Darya Sudnishnikova chuan pawngsual a nih thu a sawi leh a, an awmna Zheleznogorsk ah kum 16 miin a sual a ti. Thil thleng hian hrilhhai taka a siam vangin Ivan hi naute pa ah alo puh ta a ni awm e.

Police chuan he thil thleng hi an chhui chiang dawn a, a fanu pianghlim DNA sample chu an la ang a, thu dik tak hi an finfiah dawn a ni.

DM