Mizo Elite News hi ṭha i tihzawng a nih chuan min lo Follow dawn nia

Bollywood Actor Sanjay Dutt A Cancer Tih Hmuchhuak

Bollywood lemchanthiam kum 61 a upa Sanjay Dutt chu Chuap (lung) Cancer a vei tih hmuhchhuah a ni a, he thu hi nimin Thawhlehni khan puan a ni.

Sanjay Dutt cancer thu hi film journalist & editor-in-chief of Film Information,  Komal Nahta chuan a nemnghet a, “Sanjay Dutt chu chuap cancer in tlakbuak mek in a ṭhatchhuah leh vat theih nan i ṭawngṭaipui ang u” tiin Twitter ah a rawn tarlang.

Report in a tarlan dan chuan Sanjay Dutt hi US ah Treatment la tura a kal tur thu a sawi a, TelegraphIndia chuan stage four lung cancer a nih thu a tarlang bawk. A natna vei chungchang a darh hma hian Sanjay Dutt hian a Twitter ah a hriselna dinhmun vanga hun reilote chhung a hna a chawlhsan rih tur thu alo sawi a, damtakin a kir leh thuai dawn tih tarlang bawk in a natna chungchang erawh engmah a sawi lo.

August. 8 khan thawk lamah harsatna a neih vangin Lilavati Hospital ah admit a ni a, hripui Covid19 erawh a kai lo a ti.

Dutt hi a film thar “Sadak 2” chu release hmabak mek in a awm a tun thla August hian tihchhuah a ni ang.

Times Now