Mizo Elite News hi ṭha i tihzawng a nih chuan min lo Follow dawn nia

New Zealand An La Him, Ni 100 Lai Mai Case Thar Nei Ta Lo

United State lam in hmasawn na duhawm lo nei a hri vei an neih chhoh mek zel laiin New Zealand erawh an la him rih.

New Zealand ram chu ni 100 lai Covid19 kai thar nei lo in an awm tawh tih Pathianni khan Country’s Ministry of Health chuan a puang. Hetih lai hian US chu Pathianni khan Covid19 case 5 million an ni tawh.

February khan Covid19 Patient hmasa ber hi hmuh a ni. 1,219 confirmed cases a awm a, community transmission recorded hnuhnung ber chu May thlatir ah daih khan a lo ni tawh.

Active case tun ah hian 23 an awm a, border ah hri vei thar te hi lo endik zelin isolation facilities lam ah enkawl zui nghal zel an ni a, an rama lut te chu ni 14 quarantine zel an ni bawk.

New Zealand ah hian mihring cheng mi maktaduai 5 vel an ni a, inkharkhipna khauh taka kalpui a nih hnu ah hrikai thar an neih tak loh vangin zawi zawi in social distancing hlip in an nundan pangngai in khawsak an rel ṭan.

Sports leh cultural events dang te pawh entu awm a punkhawm phal a ni tawh. Hetih rual hian la fimkhur chho zel in director-general of health Ashley Bloomfield chuan an ram tan he hun hi mellung pawimawh tak a nih rual in an fimkhur zual sauh a ṭul thu a sawi. WHO pawh in New Zealand chu a fak hle nghe nghe a, ramdang tan entawn tlak an nih zia an sawi ve bawk.

TOI