Mizo Elite News hi ṭha i tihzawng a nih chuan min lo Follow dawn nia

Sushant Nu Thlalak Ankita Lokhande Phochhuakin Mitam Tak Rilru A Khawih

Actress, Ankita Lokhande chuan a bialpa hlui Sushant Rajput hringtunu thlalak a post a mitam tak rilru leh thinlung a khawih. Sushant leh Ankita te hi kum 6 an inngaihzawn hnu ah 2016 khan an inṭhen a June 14 khan Sushant hi thi a hmuh a ni.

Thlalak a phochhuak ah hian Ankita hian Sushant nu thlalak chu a lo vuan a Caption ah “Believe you both are together #WarriorsForSSR,” tiin tunah chuan an nufa a an awm dun a ring tawh tih a sawi a heart emoji a pe tel bawk.

Sushant unaunu Shweta Singh Kirti leh Mallika Singh te chuan Ankita post hi an comment nghal thuai. Shweta chuan “keipawh in ka ring, chhel takin awm rawh. Rorelna dik hmuh hma chu kan bei ang” tiin comment a lo pe.

Sushant kha a nu nen hian an inpawh dun em em ṭhin a. Kum naupang te a nih lai in a nu hian boralsan in nu tel lovin a ṭhanglian. A nu a ngaih thu hi a sawilang fo ṭhin a, a thih hma lawk pawh khan a Instagram post hnuhnung berah chuan a nu thlalak a ni.

Tunah hian Sushant thihna chungchang hi CBI kutah hlan a ni tawh a. Sushant chhungten thubuai an siam sak a bialnu Rhea Chakraborty leh a unaupa Showik te pawh Enforcement Dicrectorate lam in Zirtawpni khan thu an zawt fiah leh.

Hindustan Times