Mizo Elite News hi ṭha i tihzawng a nih chuan min lo Follow dawn nia

A Thisen Zawm Pawh Nilo A Fa Lak Piangsuala Zeng Chu Kum 42 Chhung Zet Phunnawina Neilo In Duat Takin Alo Enkawl

Mahni thisen zawm pui pawh nilo, a fa lak mai ramtuileilo a awm chu lungawilohna leh phunnawina nei reng reng lovin ṭha tak leh duat takin a lo enkawl ṭhin.

Chinese nu Peng Lianqing hian a fapa zeng vanga harsatna tawk Chen Zhixiang chu kum 42 chhung a lo enkawl tawh a, a fapa hi a chenna in kawngkhar kianga a hringtu ten an kalsan hnu ah heti hian a fa angin ṭha takin a lo chawi seilian.

Ms Peng leh a pasal te hian fa an nei lo a hei vang hian fahrah awmna a dah lovin a fa atan a la (adopt) ta zawk. Chen Zhixiang hi a tet laiin cerebral palsy in a tlakbuak, a nu Ms Peng hian damdawiin ah a hruai ṭhin a, a chhan pawh kum 2 a nih tawh pawn a kal thei lo. A fapa dinhmun hi an enfiah hnu ah Doctor te chuan a fapa hi a damchhunga kal leh ṭawng a theih dawn loh mai theih thu an hrilh a heti hian ramtuileilo in a rawn ṭhanglian chho ta a ni.

A tirah chuan a pasal leh a pasal nu te chuan fahrah awmna ah dah turin an lo ti a mahsela Ms Peng hian alo phal teuh lo. A fapa tan hian beidawng lovin damdawi lamthiam hrang hrang te alo rawn nasa tawh ṭhin.

A pasal hi 2011 khan a thi a, a fapa nen hian khawsa in a pension chu an ei bel ber a ni ve. Mahni hmasial lo tak mi a nih vangin Peng hi ‘moral model’ atan an thlang hial a, chawimawina an hlan.
“Ka hun tawn takah khan thil tam tak ka hmachhawn a mahsela inchhirna reng ka nei lo” tiin award ceremony ah a sawi. A la thawk ve chhung chu a fapa hi ṭha taka a enkawl zel tur thu a sawi tel bawk.

DM