Mizo Elite News hi ṭha i tihzawng a nih chuan min lo Follow dawn nia

Mask Vuahlo A Aṭhiante A Hmuhna Ah Covid19 Veiin A Chhungte Dang A Kaichhawng, A Pa Chu ICU Ah Damchhuak Turin A Nun Sual Mek

A nu leh pa ten fimkhur turin an chah mawlh mawlh a, mahsela vanduaina chuan an chungah thla a zar ta tho a ni.

Florida a Plantation a mi John Place (kum 42) chu a fapa kum 21 in hri a kai chhawn avangin ICU ah enkawl mek a ni a, damchhuak turin a nun a sual mek.

John Place hi ni 4 lai chu khawsik leh khuh in hun a hmang a, hemi hnu hian damdawiin ah admit in test an han neih chuan Coronavirus hi alo positive tih hriat a ni. Chawlhkar 2 chuang chu Ventilator hmangin enkawl a ni tawh.

A fapa hi a ṭiante hmu turin a chhuak a, a nu Zymet chuan fimkhur a Mask vuah tlat tur leh sanitiser hmang turin a hrilh thu 7 News Miami hnen ah a sawi. A fapa pawh hian a nu hnen ah lungngai lo turin a lo hrilh a, engmah pawi a thleng lo ang a ti.

Mahsela a ṭhiante nena an inhmuh chuan an thil ei leh in dawn ah a mask chu a hlip a, a ṭhiante zinga mi chuan Covid19 hi lo veiin a kaichhawng a in lama a hawn hnu ah a chhungte dang hi a kai ve leh ta a ni.

Zymet chuan a pasal Place tan hian Covid19 hi a hlauhawm bik zual hle a, overweight in zun thlum (diabetic) a nei bawk. Mahsela an lo hlauhthawn lawk ang ngeiin thil a thleng.

Place hi tunah a dinhmun a ṭha lo tak zet a, dam leh thi thut thei dinhmun ah a awm mek. Khum beta a awm hnu hian a sumdawnna photo booth business chu a enkawl thei tawh lo a, a medical bill lah a sang viau bawk. A ṭhiante chuan a in enkawlna senso atan fundraiser buatsaihin $35,000 vel pawisa hi an lo hmuh sak tawh a ni.

The Sun