Mizo Elite News hi ṭha i tihzawng a nih chuan min lo Follow dawn nia

Beckham Chhungkua Te Family Holiday Hmangin An Mo Ni Mai Tur Pawn A Telpui

Footballer lar tak ni ṭhin tun thlenga chhungkua a enkawlna kawnga mite fak ni bawk David Beckham pawh a chhungkua te nen Family Holiday hmangin an chhuak ho.

Beckham chhungkua te hi Italy a Puglia lam ah hun an hmang mek a chhungkaw hun hmanna ah hian an fate 4 Romeo, Cruz, Harper leh Brooklyn te bakah an mo ni mai tawh tur Brooklyn nupui hual Nicola Peltz pawh a pasal hual te chhungkaw hun hmanna ah hian a tel ve bawk.

Inhualna an puan chhuah hnu ah tun hi Brooklyn leh Nicola Peltz te hun hmandun leh hmuhdun an nih leh hmasak berna a ni bawk.

David leh Victoria te nupa pawh an hmel hmuh a nuam leh viau mai. Victoria hi a mo ni mai tawh tur Nicola Peltz nen an inpawhin an in close dun hle nghe nghe a ni. Italy ah hian mi hausa leh hmingthang te awmna ṭhin Borgo Egnazia a farmhouse villa ah an khawsa.

Brooklyn leh Peltz te hian inneihna pui tham tak buatsaih an tum a ni awm a, kum thar 2021 lam ah inneih an tum a, inneihna senso ah pawh £4million ruahman a ni.

Beckham chhungkua an hausa tawk bawk a, an mo tur Nicola Peltz hringtupa Nelson Peltz lah mi hausa tawntaw Billionaire a ni bawk nen inneihna ho lam deuh chu an buatsaih mai zawng a rinawm loh hrim hrim.

DM