Mizo Elite News hi ṭha i tihzawng a nih chuan min lo Follow dawn nia

Thla Khat Lai Alo Ni Ta Tiin Lung Chhe Takin ‘Dil Bechara’ Director Mukesh Chhabra Chuan Sushant Sunna Nei

Sushant Singh Rajput thih aṭang thla khat lai a ni ta a, amah ngaisang leh duh tu te tan erawh a thihna hi thinlung chhun ang maiin tun thlengin ala na reng.

Sushant ṭhian ṭha tak leh a thawhpui ni bawk, a film hnuhnung ber “Dil Bechara” Director, Mukesh Chhabra chuan Thawhlehni khan Sushant puala post siamin rilru na tak chungin sunna hun a rawn hmang a ni.

Mukesh Chhabra hian ‘Dil Bechara” a Sushant nen an thlalak hrang hrang chu a post a. “Thla khat lai alo ni ta. Tun ah chuan i phone call pawh hriat tur a awm tawh dawn lo” tiin lungchhe takin a rawn sawi a ni.

Sushant Rajput la damlai khan Mukesh Chhabra nen hian thil tam tak ruahman te pawh an nei a, mahsela an ruahmanna te chu engtik ah mah a thleng thei ngai tawh dawn silo.

Mukesh Chhabra’s film a inlan ve tho actress Swastika Mukherjee pawh in Sushant Rajput nen an lam lai chu a phochhuak ve a, Sushant hi a hriat tirh aṭang reng khan mi bik a nih zia a hriat thu alo sawi ve bawk a. “Dil Bechara” a a chanpuinu Sanjana Sanghi hi Sushant thihna tuar ber te zinga mi a ni bawk.

“Dil Bechara” hi Sushant-a Project hnuhnung ber a ni a, July 24 khian Disney+Hotstar kaltlangin Premiere na neih a ni ang.

NDTV