Mizo Elite News hi ṭha i tihzawng a nih chuan min lo Follow dawn nia

“A Lo Chhuahna Bul Hi Kan Hriat Ngei A Pawimawh”, WHO In Coronavirus Chhuahna Chhui Turin China Ah Team An Tirchhuak Dawn Ta

China leh India boruak a rik hut hut mek laiin lehlamah hripui chungchang ah buaina a la inbelhchho mek zel bawk a, WHO meuh pawh a mangang tak zet tawh.

Thawhṭanni khan virtual press conference neih ah WHO Director-General Tedros Adhanom Ghebreyes chuan he hripui khawvel in a buaipui em em rawn chhuahna origin chhui turin China ah team an tirh tur thu a puang.

He hripui chungchang ah hian China chu mawhphurtu berah khawvel ram hrang hrang in an puh a,nasa takin an chuk rawn. United State President, Donald Trump phei chuan “China thil pek duhawmlo” tih hialin a sawi tawh kha.

Donald Trump hian a tir phat aṭang China hi ringhlel in chhui a duh tawh. Mahsela China lam hian an lo welcome lo. Heng thu vang vel hian WHO te nen pawh an inbakaih a, WHO chu China lam ṭangah puhin WHO aṭang US a chhuak ta hial a nih kha.

Tunah WHO in hma an rawn la ve leh dawn a ni a, Trump-a pawh in alo beih hrep tak a hlawhchham kha engtin nge WHO hian a bawhzui chhoh ang tih hi hriat a chakawm.

WHO director-general Tedros Adhanom Ghebreyesus chuan team te hi kar leh ah tirh luh nghal an tum rum rum a, origin hi chhuichhuah ngei an tum.

Hripui hian ziaawm lam ala pan mai a beiseiawm loh thu sawiin an mangang in an thlaphang ru ve viau tawh a ni. “Alo chhuahna bul hi kan hriat ngei a pawimawh. Virus chungchang hi engkim chiang taka kan hre thei a nih chuan beih let dan ṭha zawk a awm ang” a ti.

Virus hi Chinese city of Wuhan a outbreak a nih thu puan a nih aṭang thla 6 a ni tawh a, khawvel pum ah nasa taka ṭai darh in mi 10 million in hri hi an vei tawh a, 500,000 chuang zet an boral phah tawh.

France2