Mizo Elite News hi ṭha i tihzawng a nih chuan min lo Follow dawn nia

Millionaire Steve Bing Chu Apartment Building Chhawng 27 Na Aṭang Zuangthla In A Boral

Sum leh pai leh hausakna te pawh hian mihring ah hian hlimna tluantling a thlen tak tak lo. Mi hausa pui pui te pawh hi pawn lam ah chuan sum ngah leh hausa tak ni mahse an chhungril lamah chuan an lo rethei ve ṭhin hle.

Millionaire zingah pawh tel Producer lar tak Steve Bing chu kum 55 mi niin Thawhṭanni dar 1pm bawr vel khan Los Angeles’ Century City a luxury apartment building chhawng 27 na aṭang zuangthla in a hmun ah a boral nghal.

Steve Bing hi ‘The Polar Express’ leh ‘Beowulf’ te bakah Sylvester Stallone’s action flick ‘Get Carter’ leh Martin Scorsese’s music documentary ‘Shine a Light,’ ah te sulhnu a lo nei ve nuk tawh a. Real estate developer, philanthropist leh political donor niin a challang hle.

A intihhlum chhan ah hian Depression an puh ber a, chu bak a chhan dang han mawhpuh tur a awm lem lo.

Bing hi kum naupang te a nihin Millionaire a ni daih tawh. Kum 18 a nih in a pu property tycoon Leo S Bing sum $600 Million vel a ro chun hmak a, Film lamah zuan luh puiin a hlawhtling chho hle.

Hollywood actress Elizabeth Hurle lakah fapa Damian a nei a, former pro tennis player Lisa Bonder lakah fanu Kira Bonder a nei bawk. A boral thlenga a la hausakna hi $590m vel bawr anga tarlan a la ni.

TOI