Mizo Elite News hi ṭha i tihzawng a nih chuan min lo Follow dawn nia

Coronavirus A Vei Nia Inngaiin Midang Ah A Thehdarh Ang Tih Hlauin Bridge Aṭang Zuangthla

Mahni leh mahni ah inrinhlelhna lian tak mai a neih vangin China pa pakhat Mr Li chuan a nunna lak tum in Bridge aṭang a zuangthla.

Mr Li hian an sawi dan chuan Covid19 symptoms ang chi khuh leh khawsik a neih vangin Coronavirus a vei tlat ah a ngai a, midang te ah hri a thehdarh a hlauh vangin a nunna lak hi a tum ta a ni.

Thil thlenna hmun hi Changzhou, Jiangsu province of eastern China ah a ni a. Taxi ah chuangin kawngkhar te alo pet a, driver chuan tidingin a chhuak chu lei aṭang hian a zuangthla zui ta mai.

Taxi driver in ambulance a koh hnuah Mr Li hi damdawi in lam panpui a ni thuai a. ICU doctor, Dr Xi chuan Wujin People’s Hospital a an rawn admit tirh chuan a dinhmun a ṭhat vak loh thu a sawi.

Mahsela vanneihthlak takin a nunna a chan lo. A tlakna lamah hian a ruh tliakin thisen a hloh nasa bawk. Covid19 a vei leh vei loh an test chuan a negative bawk. A dinhmun hi tunah chuan a ziaawm deuh tawh an ti.

“Khuh leh khawsik ka neih vang khan Covid19 ka vei ah ka inngai a midang te ah hri hi ka kai darh ang tih ka hlauh vangin ka nunna la turin thu tlukna ka siam” tiin Mr Li hian a sawi.

Doctor in Covid19 a vei loh thu a hrilh chuan a duhthlanna siam ah a inchhir a, Covid19 a negative thu hi damdawiin khum aṭang reporters te alo hrilh a ni.

DM