Mizo Elite News hi ṭha i tihzawng a nih chuan min lo Follow dawn nia

Covid19 Vanga A Pi Leh A Nu Ten An Boralsan Hnuah Mipa Naupang In A Pa Hnena A Zawhna Chuan A Pa Mittui A Tihtlak Sak

Mipa naupang kum 7 a upa Evan Cadby hian hripui vangin a nu leh a pi te chu a chan a, a pa hnen ah chuan rilru na tak leh hlauthawng tak chungin zawhna alo zawt.

Evan te chhungkua hi Cardiff a cheng an ni a April thla khan a pi Joan chu Covid19 vang hian a boral a, a pi thih hnu lawk hian a nu Julianne chuan a zui ve leh nghal a ni.

A pa Chris Cadby chuan a fapa Evan hnenah a nu in a pi zuia a boral thu a hrilh khan a rilru a na hle a ni tih a sawi a “Evan tiin ka ko a, min chhan hnu ah ‘i nu chu i pi kiangah a kal tawh’ ka ti a, “engtin maw” tih zawng in min chhang let. Kei chuan ka sawi ngai bawk chu ka sawi leh. Ṭap chungin min rawn kuah a ni” a ti.

Hemi hnu hian a fapa chuan rilru na leh hlauthawng em em chungin zawhna a zawt a “Pa tunge a dawt leh ni ta ang? Nang nge keimah? tiin min zawt”. Chris chuan a fapa in a hnena zawhna a zawh chu a chhan let dan thiam a har hle a ti a, a mittui a tlak hial thu sawiin a fapa hnen ah chuan an pahniha an him a beisei thu a chhanna pe in a fapa mangang em em chu a thlamuan tih a sawi.

DM