Mizo Elite News hi ṭha i tihzawng a nih chuan min lo Follow dawn nia

Movement Control Laia A Hmeichhiatpui Retheihna Vanga Pads Leina Tur Neilo Te Tan Malsawmna Ni Turin Ke A Penchhuak

Movement Control Order vangin hmun tin ah harsatna a thleng. Hnathawh tur neilo a sum lama harsatna tawk an tam. Retheih na vanga Pads hman tur neilo a hmeichhiatpui te tana malsawmna thlen tu ni tura ke a penchhuak hi a ropui tak zet in ka hria.

Malaysian hmeichhe pakhat chuan MCO laia a hmeichhiatpui te thla tin thi neih kawnga harsatna an tawh lohna turin mi harsa zual ten a an hman tur Sanitary Pads a thlawn a tum sak turin ke a penchhuak.

He hmeichhia hi Vimala Kanagaratnam tia koh a ni a, a hma in baby formula leh groceries te chu chhungkaw harsa te PPR flats a cheng hnen ah a sem. Pa pakhat chuan a fanu thla tin a hmeichhe pangngai a awm ṭhin thi neih kawngah Pads leina an nei loh thu a hrilh a chuta ṭang chuan ti hawi zawng hian a che ta tih a sawi.

“Zan khat chu pa pakhat hnen aṭangin a fanu in thi a neih thu min hrilh a, mahsela sanitary pads leina turin pawisa an neilo. Chu ka message dawn chuan ka rilru a khawih tak zet a ni” tiin a sawi.

Vimala hian a hmeichhiatpui te an mangan leh rilru hahna tur hi a hriatthiam pui a ni tih a sawi. A ṭhian pakhat sponsore na in pads box 7 lai a nei a, amah thlawp a midang pawh ke an rawn penchhuah zel a beisei tih a sawi bawk.

Donation hi pawisa ai ah Sanitary Pads zawk hlan tur in a ngen a. Pads te hi thawn kawnga harsatna an tawk a nih chuan a hnena hlan kher lo a an ṭhenawm hnai a awm rethei harsa zual te hnen a pe turin alo chah a ni.

Malaymail