Mizo Elite News hi ṭha i tihzawng a nih chuan min lo Follow dawn nia

Khawvelah Covid19 Vangin America A Thi Tam Ber Lo, China Zawk Hi Thi Tam Ber An Ni – Donald Trump

Boruak a so sang tawh hle mai. China leh America te an in puh tawn zak zak a, America lam in China hi dawt sawi hmang leh khawvel thu dik lo rin tir tlat tum tu ah a puh.

White House briefing, Trump an khawvela Coronavirus vanga thi tam ber America tih chu a ni lo tih a sawi a, an ni aiin China ah mihring thi an tam daih zawk a ti a China hian thi zat hi a thup ṭhen, a dik tak a tarlang duh lo tih a sawi.

Tunkar khan China hian Wuhan a mithi zat chu 50% reng reng in a ti pung. Thi zat 1,290 an tih chu 3,869 zet in a rawn sang ta awk. US lam ngaih a ṭha lo a, an ringlo hul hual hlawm tawh a ni ber. American intelligence services lam in Wuhan lab chhui in full-scale investigation an kalpui.

“Covid19 vanga thi tam ber ram hi kan ni lo. Thi tam ber chu China zawk hi an ni. Thi zat China in a tarlan hi Wuhan chauh a ni a, Wuhan pawn lam a mi paihin an ti tel lo” a ti hmiah.

Data a landan ah chuan thi zat 37,308 Americans a ni a, China hi 4,632 chauh thi an awm a, Figure ah chuan America hi China aiin a let 7 zet in thi an tam a ni. Trump chuan China’s official figures tihchhuah hi dawt tiin a ring lo nasa mai.

China lam pang Official te chuan thi zat an tihsuala a puan leh chungchang ah testing and treatment facilities khawp lo leh daih loh vangin a puh. Patient ṭhenkhat te in lamah thi an awm an ti a chungchu chhhiar tel an nilo. Medical Staff te hi Case hian a tam hneh a report hi sual in a tlai tih an chhuanlam.

Anthony Fauci, the director of the National Institute of Allergy and Infectious Diseases pawh in Beijing aṭang Data chhuak hi a ringlo hul hual tih a auchhuahpui. US Defense Secretary Mark Esper pawh in Chinese leaders te chu rintlak loh leh rinngam loh an ni a ti bawk.

DM