Mizo Elite News hi ṭha i tihzawng a nih chuan min lo Follow dawn nia

He Naute Hi a Natna Tawh Pawh Atan Phurrit Sa A Nih Tawh Em Em Laiin Covid19 In A La Run Zui

Naute kum em pawh la tling lo tawrh a tan chuan thil rapthlak tawp khawk a ni. Kum tam leh tlem lam ah lah he hri hian a thliar bawk silo a.

Thla 6 lek a upa naute lainatawm tak mai Erin Bates hi nikum December khan open-heart surgery a hmachhawn a, a pian hian 5lbs 4oz niin heart condition lam ah buaina a tawk a, Surgery hi a ṭul a ni.

A natna aia lungchhiatthlak zawk thil dangin a belhchhah zui leh bawk a. Zirtawpni khan he naute hian tunlai hri Covid19 a vei a ni tih hriat a ni leh. A natna lo tawrh tawh pawh a tan chuan a harsa tawh sa a, Covid19 in ala belhchhah leh nghal bawk si, a nu leh pa te tan chuan a mangan thlak tak zet.

A thlalak hmuh hrehawm tak hi a nu leh pa te hian an rawn phochhuak. Thlalak ah hian naute Erin Bates hi Continuous Positive Airway Pressure (CPAP) machine nen Hospital ah mu in, wires, tubes leh equipment ten an hual vel.

Liverpool a Alder Hey Children’s Hospital ah enkawlna a dawng mek a, a chhungte pakhat chiah in awmpui phal a nih vangin a nu Emma Bates, 29 chuan a awmpui. A pa Wayne, 32 hi an chenna Bury, Greater Manchester ah a inkhung a, a nupui leh a fanu nen hian Phone call leh video chat hmang ten an inbia.

DM