Mizo Elite News hi ṭha i tihzawng a nih chuan min lo Follow dawn nia

Hmeichhia Kum 14 Mi Chuan A Fapa Chu A Khai Hlum, Naute Ruang Hi Fanghmir Ten An Lo Bawm

Covid19 vanga khawvel ram hrang hrang a buai mup mup mek karah Thailand ah chuan chanchin duhawmlo tak a thleng.

Bueng Kan, Thailand ah hmeichhia kum 14 mi chuan a fapa kum 1 mi chu a khaihlum hmiah. A fapa a khaihlum chhan ah hian a ṭhian te ho kianga duh ang anga hun hman a duh vang a ni.

Arisa Udsanee hian a fapa hi a nu leh pa te kiangah a kalsan ṭhin a, a hawn leh chuan a hawn tlai avangin hauh a tawk a, a pa thinrim chuan a beng. Hei vang hian a thinrim chuan a fapa Thanapat Udsanee hi pawm in an ṭhenawm Charinthip Nuengsit, 21 a pan a, awmna a dil.

Charinthip Nuengsit hian back yard a cabin ah chuan awm a phalsak a. Hetah hian Arisa Udsanee chuan a fapa hi amah dip dal tu leh a nu leh pa ten an hauhna phuba lakna atan a nunna hi a laksak ta mai a ni awm e.

Nilaini zingah Charinthip hian Cabin a check na lam ah naute ruang hi a hmu. Naute awmna tawlailir pram hnuai ah a thukru a. Naute ruang hi fanghmir ten an bawm tawh a, Police te chuan naute hi ni 2 liamta a thi a nih thu an sawi.

Officer te chuan Arisa hi an man nghal a, a thah thu hi a inpuang bawk. Arisa nu Penprapha Prakarapang, 40 chuan a fanu hian pawn a chhuak nasa a, an chhungkua ah buaina a thlen. A rualpui te anga hun hman a duh a a fapa a thah erawh hi a ringpha lo tih a sawi.

Police Major Chanchai Poolonkaew chuan tualthahna a nih vangin enliam ngawt chi a nilo a, kum 15 atang kum 20 thleng Jail tang thei a ni tiin Investigation an nei nghal.

DM