Mizo Elite News hi ṭha i tihzawng a nih chuan min lo Follow dawn nia

Influencer Pakhat Chuan Toilet Seat Te Liaka Covid19 Fiamthu A Hman Hnu Lawkah Positive

Coronavirus (Covid19) hi fiamthu a lak ngawt chi a nilo. Ba sa ngam chi reng a nilo. A tawng tawh a piangin a rapthlak zia an hrechhiang. Chhungkua leh in hmangaih tak tak a pawh ṭhen mek kara fiamthu thawh nana kan la hmang ṭal hi chu a mawl thlak zawk. Min rawn luhchilh vaih chuan inchhir in awmzia a awm tawh lo ang.

Ni tam la liam lo ah khan influencer pakhat GayShawnMendes in ti Larz tia hriat bawk chuan Internet lam ah hri leng mek Covid19 chu fiamthu zawnga la in intihlar nan a hmang a. ‘Coronavirus challenge’ tiin a viral zui chiam.

He pa hian Covid19 hi a ba sa ngam ve ngawt a, awlsam taka kai theih ngawt a ni lo tih fiah a tum niin alang. Vantlang inthiarna toilet seat te chu a liak vel thawt thawt a ni.

A khawsak dan hi lar pawh a lar chak na meuh mai. Mahsela a thil tih hnu ah hian Covid19 chuan tawngpawng zuam ngawt chi a nilo tih a hmuh tir.

Larz hian a hnu ah a Twitter ah chuan post a siam a. “I tested positive for the Coronavirus” tiin Covid19 chu a vei thu a post, Hospital khuma a mu lai thlalak chu a phochhuak. A hnu ah a Account hi suspended a ni nghal a ni awm e.

Larz hian kum hmasa lamah pawh social media challenge hi a lo siam tawh ṭhin. Tuna a challenge erawh tisual a intichiang ve khawp ang le.

WOB