Mizo Elite News hi ṭha i tihzawng a nih chuan min lo Follow dawn nia

2021 chhunga Tiktok Star sum lalut hnem zual

Tiktok hi Social Media peng pakhat a ni a, short video sharing platform niin Chinese company ByteDance te kutchhuak a ni a, khawvel pumah hmang tu an tam a, nikum khan Tiktok hmangtu hi 1 Billion an tling tawh ani.

Tiktok hi video share na ngawr ngawr a ni bik lo a, sum hmuhna peng tha tak pakhat a ni tel. Forbes Magazine chuan nikum chhunga Tiktok star zinga sum lalut hnem a tarchhuak.

Charli D’Amelio chu 2021 chhunga sum lalut hnem ber a ni a, nikum chhung khan he Tiktok star hian $17.5 million a lalut. May 2019 ah a video hmasa ber a phochhuak tan. Charli D’Amelio hi tunah Tiktok ah Followers nei tam ber a ni mek bawk a, 133 million a nei tling tep tawh.

Pahnihna ah a unaunu Dixie D’Amelio a awm a, Dixie D’Amelio hian 2021 ah Tiktok atang $10 million a lalut. Dixie D’Amelio hi 56.6 million followers neiin Tiktok a followers nei tam lamah No.9 ah a awm mek ani.

2020 a Tiktok star sum thawkchhuak hnem ber Addison Rae chu nikum khan $8.5 million lalutin pathumna ah a awm ve thung. Pakhatna leh pahnihna dinhmun hauh tu D’Amelio unau te sum lakluh belhkhawm hi $27.5 Million a tling.

Tiktok star te hian an sum lakluhna hnar hi sponsorship deals bakah business ventures atang ten a ni tlangpui a, Forbes te chhut dan chuan sponsored content atan Tiktok star hian post pakhat zelah $500,000 an charge thei a, zuitu ngah leh lar zual te phei chuan $100,000 – $250,000 thleng sponsorship post pakhat zelah hian an hlawh kai thei.

Forbes in 2021 a Tiktokers sum lalut hnem a tarchhuah te, thenkhat sum lakluh erawh a intluktlang hlawm hle.

1. Charli D’Amelio: $17.5 million

2. Dixie D’Amelio: $10 million

3. Addison Rae: $8.5 million

4 (tie). Bella Poarch & Josh Richards: $5 million

6 (tie). Kris Collins & Avanni Gregg: $4.75 million