Mizo Elite News hi ṭha i tihzawng a nih chuan min lo Follow dawn nia

2021 BAFTA ah Nick Jonas leh Priyanka Chopra te nupa an nalh hle

Film lama chawimawina sem thin 74th British Academy Film Awards chu Pathianni khan London’s Royal Albert Hall ah neih leh a ni a, Awards semna ah hian Hollywood nupa tuak lar Nick Jonas leh Priyanka Chopra te an nupa in an tel ve a, Red Carpet zawhin hmuh an nuam leh pek khawp mai.

Bollywood & Hollywood Diva, Priyanka Chopra (kum 38) hian Ceremony atan hian pink jacket-style top a inbelchhuak a, a hnute zawn bawr vel chu a ti kak bawk. Red Carpet a ngaihven hlawh ber zingah a sawi hmaih loh theih loh a ni.

A pasal Nick Jonas (kum 28) erawh zahawm takin Suit a hachhuak thung. BAFTA ah hian Priyanka hi Presenter ah a tang a, a Film channa in Nomination 2 a hmu ve nghe nghe bawk.

Priyanka hi 2000 kum a Miss World a nih atang khan a dinhmun a invawrhsang chho hle a, Film tam tak ah inlan in a Film channa thar lam ber chu ‘The White Tiger’ a ni. He Movie hi filmmaker Rahmin Bahrani Direct na hnuai ah a ni a, BAFTA ah hian a co-star Adarsh chu Leading Actor category ah langin a Film in Best Adapted Screenplay nominee a hmu tel bawk.

Kum in British Academy Film Awards 2021 hi hripui leng vangin virtual anga hman a ni a, Academy Film Ceremony neih atang Virtual a hman a nih hmasak berna a ni nghal a ni.