Mizo Elite News hi ṭha i tihzawng a nih chuan min lo Follow dawn nia

2021 a Instagram atang sum lalut hnem ber ber te

Keini in hun awl hman ral nan mai mai kan lo hman laiin an ni erawh chuan sum lakluhna peng pakhat ah an hmang a. An ni leh keini post pakhat man a va inthlau em.

Hopper in kum 2021 a Instagram chhawr tangkai deuh deuh milar a tarchhuak a. Hei hi Brand hrang hrang te thil fakna leh deal an neih a Sponsored Posts atang an hlawhchhuah theih zat ani.

Footballer chuai thei lo Manchester United striker, Cristiano Ronaldo chu kum 2021 a sponsored post atang a sum hmu hnem ber a ni a, Ronaldo hian a post pakhat zel atang hian $1,604,000 ( Rs 11.9 crore) a hlawh.

Pahnihna ah Dwayne Johnson chu a awm a, a post pakhat zela a hlawh zat hi $1,523,000 (Rs 12 crore) ani. Pop singer, Ariana Grande chuan Top 3 kharin Ariana hian a post pakhat zel atang in $1,510,000 (Rs 11 crores) a lalut ve bawk.

Sponsored post bika sum lalut hnem tarchhuah ah hian India ram atang Virat Kohli a lang a, Virat Kohli hian a post pakhat zel ah $680,000 (approximately Rs 5 crore) a lalut. Kohli bakah Priyanka Chopra chu No.27 ah a awm bawk a, Priyanka Instagram post pakhat zel hi $403,000 (approximately Rs 3 crore) a hlu a ni bawk.

2021 chhung a Instagram a sum lalut hnem leh post pakhat zela an hlawh te:-

1. Cristiano Ronaldo – $1,604,000 ( Rs 11.9 crore)

2. Dwayne Johnson– $1,523,000 (Rs 12 crore)

3. Ariana Grande– $1,510,000 (Rs 11 crores)

4. Kylie Jenner– $1,494,000 (Rs 11 crores).

5. Selena Gomez– $1,468,000 (Rs 11 crores).

6. Kim Kardashian– $1,419,000 (Rs 11 crores)

7. Lionel Messi– $1,169,000 (Rs 10 crores)

8. Beyonce– $1,147,000 (Rs 10 crore)

9. Justin Bieber– $1,112,000 (Rs 9 crore)

10. Kendall Jenner– $1,053,000 (Rs 9 crore)