Hripui leng karah Juventus superstar, Cristiano Ronaldo chu kum in 2020 a Footballer hlawh hnem ber a ni a, kum liam ta a Footballer hlawh hnem ber ni ṭhin Messi chu a khum.
2019-20 football season aṭang a chhutin Cristiano Ronaldo hian June 1, 2019 leh June 1, 2020 inkar thleng khan $105 Million sum a lalut.
A hnuai chiah ah hian Lionel Messi a awm a. $104 Million sum a lalut. Messi aiin Ronaldo hian kumin ah $1 Million in hma a hruai.
Pathumna ah hian Paris Saint Germain, Neymar Jr awm in $95.5 Million a lalut ve bawk a ni.
Five-time Ballon d’Or winner lo ni tawh Ronaldo hian a sum leh pai te hi infiamna aṭang ngawr ngawr a a lakluh a nilo. $60 million hi a hlawh (salary) a ni a, a dang $45 million hi chu brand endorsements aṭanga a hmuh an ni a Altice, DAZN, Herbalife, MTG, Nike leh Unilever te nen an thawk ho.
Messi hlawh panngai hi Ronaldo aiin a tam zawk daih a, $72 Million a ni. Messi hian brand endorsement ah Adidas, Gatorade, Huawei, Mastercard leh Pepsi te nen an thawh ho na aṭangin sum a hmu nual bawk.
Highest-Paid Footballers in 2020 Top 10:-
1 Cristiano Ronaldo (Juventus) : $105 million
2 Lionel Messi (Barcelona) : $104 million
3 Neymar Jr (PSG) : $95.5 million
4 Mo Salah (Liverpool) : $35.1 million
5 Kylian Mbappe (PSG) : $33.8 million
6 Andres Iniesta (Vissel Kobe) : $29.6 million
7 Mesut Ozil (Arsenal) : $28.7 million
8 Paul Pogba (Manchester United) : $28.5 million
9 Oscar (Shanghai SIPG) : $27.5 million
10 Antoine Griezmann (Barcelona) : $26.7 million
Latesly