Mizo Elite News hi ṭha i tihzawng a nih chuan min lo Follow dawn nia

2004 A Indonesia Rama Tsunami Vanga Chin Hriat Loha Bo Leh Thi A Ngaih Tawh Chu Kum 15 Chuang Hnuah A Chhungte Nen An Inhmu Leh

Police officer Abrip Asep hi December 2004 a Tsunami in Indonesia ram a nuai tum khan hna thawka a duty lai tak a ni.

Tsunami leh Lirnghing thlen hun hi Boxing Day ah nia tarlan a ni. Mi tam tak in nunna an chan phah hial a, thi zat hi 230,000 ai in an tam bawk.

Abrip Asep pawh hi a duty laia Tsunami hi thleng a nih vangin bo zingah a tel a, a chhungten Tsunami a thlen hnu atang khan a chanchin an hre zui tawh lo hrim hrim a, a khuangcher bo nghal hmiah a ni.

Mi nuai chuang zet thi an awm nen, a chhungte pawh hian nungdam a hmuh leh an beisei tawh lo hrim hrim a, thi zingah a telve ta a nih an ring vek tawh.

Mahsela Abrip Asep hi Tsunami ah khan alo la thi reng reng lo a, Aceh province a psychiatric hospital ah kum 16 lai awm in enkawlna a dawng a ni. Tsunami thlen laia a thil hmuh te khan amah ah nghawng nasa tak a nei a, a rilru lam thlengin a chian loh phah niin an sawi bawk.

Family group chat pakhat a a thlalak share an hmuh hnu ah Asep hi a chhung ten a la dam tih an hrechhuak ve ta chauh a, kum 20 dawn hnu ah an inhmu leh thei ta a ni.

A chhung te zinga mi chuan kum tam tak hnua an inhmu leh ta chu “rin pawh a harsa hle. Rei tak chhung a chanchin kan hre tawh lo a, nungdam a a awm pawh kan lo ring tawh lo hrim hrim” tiin a sawi hial.

Tualchhung Police te pawn psychiatric hospital a awm chu Abrip Asep ngei a ni e tiin an nemnghet. Hun rei tak chhung Psychiatric hospital a a awm thu hi engvanga Asep chhungte hnenah hian hrilhhriat a nih loh tih erawh hriatchian ala nilo. Thil thlen laia nunna chan te zingah ruang tam tak hmuh chhuah a ni nachungin ruang thenkhat te erawh tuifawn chak takin a hnawl vangin hmuh loh an awm nual bawk a ni.