Mizo Elite News hi ṭha i tihzawng a nih chuan min lo Follow dawn nia

Pasal Atan Thingkung Neitu Chuan An Inkar Chu A Nghet Chho Zel Tih A Sawi

Pasal atan za leng hei zawng zingah thingkung ber kher a thlan tlat vangin hriatthiampui lo tu pawh an kat nuk mai. He hmeichhia hian 2019 khan thingkung chu pasal ah a nei a, kum in hian an Christmas vawi 3 hmanna tur in an inbuatsaih mek thu leh an inkar chu a hma ang tho a a that em em thu a sawi.

Thingkung pasal a neitu hmeichhe danglam tak Kate Cunningham hian surname ah Elder tiin a thlak a, Mail Online in 2019 a Sefton, Merseyside, England a Rimrose Valley Country Park a an inneih thu an rawn puan tum khan khawvel a barakhaih in zawhna tam tak a pian phah.

Kate hian a sawidan chuan a pasal thingkung hi chawlhkar khat ah vawi 5 tal a tlawh thin thu a sawi a, pangpar thi leh tlereuh lam chi hmangin a chei mawi ani. Kate hian pasal ah thingkung hi nei mahse bialpa kawplai dang a nei tho a, a bialpa pawh in Kate leh thingkung inneihna ah hian a thlawp tha in a tlawhna ah te a tawiawm tha thin hle bawk.

December 26 ah hian a pasal hi tlawh leh ngei a tum a, an Christmas vawi 3 hmanna tur chu hlim taka hman ngei an tum ani. Kate hian hetia minung pawh nilo thingkung pasala a neih chhan chu Mexico nu activists pakhat tihdan a entawn niin a insawi bawk.

Kawngpui siamna tura thing hi kih an tum vangin pasal ah a nei ta a, thingkung hi mihring te tana a pawimawh zia midang te hnen ah hrilh hria in a sawi theih phah ani ati.