Mizo Elite News hi ṭha i tihzawng a nih chuan min lo Follow dawn nia

Cristiano Ronaldo Leh A Chhungte Venghim Tu Afghanistan Special Force Thin Phir Unaute

Milar an nih angin khawi hmun ah pawh chhuak se fans tam tak ngaisang tu an neih rual hian haw em em tu pawh an tawng thei a ni. Heng vang hian Ronaldo pawh in amah leh a chhungkua venghim turin Security a nei tha tawk hle.

Manchester United star, Cristiano Ronaldo (kum 36) leh a chhungte venghim tur hian phir unau mipa pahnih te chhawr an ni a, an ni hi tunhnai te atang khan Ronaldo kianga hmuh an nih fo avangin ngaihven an hlawh zual hle.

Phir unaute hi an hming Sergio leh Jorge Ramalheiro an ni a, Afghanistan ah elite special forces unit an ni tawh thin tih hriat a ni bawk. Force an chawlhsan hnu hian Portuguese police unit ah an lut a, an hnathawh chu Politic lama mi thil tithei deuh deuh politicians leh judges te venhim a ni.

Portuguese celeb magazine Flash te tarlan dan chuan Sergio leh Jorge Ramalheiro te unau ah hian an mahni ang chiah an unau mipa pathumna Alexandre chu a la awm thu an sawi. Mahse Sergio leh Jorge te hi Ronaldo hian venhim hna thawk turin a hire.

An unau hian Pombal hnaih Ansiao lamah an awm. north of Lisbon atang darkar 2 tlan vel a ni. September thla khan Ronaldo leh a team ten Switzerland an pan tum ah Ronaldo an veng tawh a, Ronaldo bialnu Georgia Rodriguez in a fanu kum 4 Alana Martina birthday party a huaihawt tumah pawh phir zinga pakhat hian an kiangah a veng a ni.

Cristiano Ronaldo meuh in a chhawr chin chu an hlawh pawh a theuneu lo tawp ang tih chu a chiang reng mai.