Mizo Elite News hi ṭha i tihzawng a nih chuan min lo Follow dawn nia

Zayn Unaunu Te Pahnih An Unaupa Tan An Rawn Tawngchhuak Ve

British zaithiam Zayn Malik chu a kawppui Gigi Hadid chhungte nen buaina an neih chungchang ah mualpho takin Gigi Hadid nu in a puh.

He buaina chungchang ah hian Zayn erawh in an chungkaw thil a nih vang in ngawih a chuh a, Zayn fans te atang in Hadid chhungkua hi huat an hlawh hle.

Zayn Malik unaunu te pahnih Waliyha Malik leh Safaa Malik te hial an rawn tawngchhuak ve ta, an unaupa dikna chanvo hmuh a nih theih nan an thlawp zia an tarlang a ni.

Waliyha leh Safaa te hian inneihna te chhungkua bakah karma chungchang te thleng in an tarlang deuh nual a, Zayn an support zia hmuh theihin an rawn phochhuak. Silent Perception quote hmangin Hadid te chu an dehchilh hmiah mai.

Thla hmasa khan Zayn leh Yolanda Hadid te inkara in rem lohna thleng hi hriatchhuah a ni a, September 29 a Philadelphia ah buaina hi a chhuak. Report in a tarlan dan in Zayn hian Yolanda hi kut a thlak a, Zayn erawh a pha nasa hle.

Yolanda in dan ang takin thubuai hi kalpui a tum a, mahse Zayn erawh in an inkar khi hi siam that leh mai a beisei. An chhungkaw hma hun zel turah Gigi nu Yolanda khinna hi beih let a tum lo a, hremna ang chu tawrh a inhuam ni a tarlan a ni. Mahsela a fanu Khai chungchanga Gigi Hadid nen Custody Battle neih chu a tum lo hul hual.

Zayn leh Gigi Hadid te hi 2015 atangin an inkawp tan a, milar inkawp zinga inhmeh ber pawl an ni hial. September 2020 ah an fa hmasa ber Khai Hadid Malik an nei a ni.