Mizo Elite News hi ṭha i tihzawng a nih chuan min lo Follow dawn nia

Kim Kardashian Leh Pete Davidson Te Inkar Ah Thilthleng A Awm

Reality Star, Kim Kardashian (kum 41) leh Saturday Night Live star, Pete Davidson (kum 27) te inkar chuan khawthlang Media hrang hrang te ti ti a ti tam leh hle a, an pahnih hian hlim taka hun an hmang lai hmuh an nih vangin an inkara thil thleng eng emaw a awm ring tu an tam leh tan hle.

Friday, October 29 khan headlines an rawn siam tan a, Buena Park, California a Knott’s Berry Farm ah kal in, in haw lo tih hriat taka kut inkai chungin roller-coasters ah an chuang dun hmuh an ni.

An pahnih bakah Kim K unaunu Kourtney Kardashian, Travis Barker, Harry Hudson, Stephanie Shepherd leh midang te an tel ve bawk a. Kim leh Pete te pawh hi Kourtney leh Travis te kaltlanga inhmelhriat anga tarlan a ni.

Mitam tak hian kut inchelh dun chunga an awmdun vang in an inkarah in thianthatna bak piahlam thil a awm an ring. An pahnih hian tunah kawp lai an nei rih lo ve ve bawk a. Kim hian kum in February khan a pasal Rapper, Kanye West nen an inthenna tur a thehlut. Kanye West nen May 2014 ah an innei a, fa 4 North, 8, Saint, 5, Chicago, 3, leh Psalm, 2 te an nei hman.

Pete Davidson hi Pop Star, Ariana Grande nen an inhual zet hnu in October 2018 khan an inkar an titawpfel. Ariana Grande bakah hian Kaia Gerber, Margaret Qualley leh Phoebe Dynevor te nen sawizawm an ni bawk.

Kim leh Pete inkar thu ah hian US Weekly te chuan thuchiang zawk a la awm lo tih an puang. Insider in a hrilh dan in “Kim leh Pete te pahnih a thil thleng hi tumah in an hrechiang rih lo. Tunah chuan thian tha tak angin an lang tak na a, mahse thil awmdan hi danglam thut thei reng a ni. Thian atang hmangaihna ah a inlet thei reng” tiin a sawi a ni.