Mizo Elite News hi ṭha i tihzawng a nih chuan min lo Follow dawn nia

Zayn An Gigi Hadid Nen An Fanu Enkawl Chungchanga Buaina An Neih Loh Nan A Theihtawp A Chhuah Dawn

Khawthlang Media ten tunlaia an ngaihven ber leh boruak ti so sang zui tak chu Zayn Malik leh Gigi Hadid bakah a nu Yolanda Hadid te inkar chungchang hi a ni awm e.

Gigi Hadid nu Yolanda Hadid chuan a fanu kawppui Zayn hian kutthlak angin a sawi a, a makpa ni thuai tawh tura beisei lak ah hian dan anga chet tumin thubuai thlen a tum tih ang reng te pawh hriat tur a awm.

Hemi buaina kalzel ah hian thubuai pawh thlen ni tawh anga tarlan a awm a, Zayn erawh in chhungkaw thil a nih vang in vantlang hriatah sawichhuah chiam tul a tih loh thu Twitter ah a post.

Gigi Hadid nu Yolanda Hadid erawh in ngawih mai mai a tum hmel loh. Report thar in a tarlan danin Zayn chuan a chhungkua hma hun ngaihtuah chungin a fanu Khai chungchang ah Gigi Hadid nen enkawl theih dan tur vela Custody Battle chu neih loh hram dan kawng a zawng a, Custody battle pehhel tur hian a theihtawp chhuah a tum tih hriat a ni.

Insider in a tarlan dan in Gigi leh Zayn te inkarah tak chuan inhmuhthiam lohna a awm hran lo, Gigi pawhin an fanu Khai hi an pahnih a enkawl dun a duh a, harsatna zawk tak chu Gigi nu Yolanda in custody chungchanga dan anga kalpui a duh hi a ni an ti.

A pi zawn ni mai tur nen boruak chhe tak an neih na ah hian British Singer, Zayn pawh a Record Label ten an thawhdunna an titawp tih sawi a ni bawk. Hei vang hian Zayn fans te pawh an lungawi lo viau nghe nghe.