Mizo Elite News hi ṭha i tihzawng a nih chuan min lo Follow dawn nia

African Pastor Pakhat Chu Pathian Fapa Isua Anga Thihna Hneha Thoh Leh Tumin Thlanah A Inphum Tir, A Tho Leh Ang Ti Mahse A Chungah Pawi A Thleng Ta

Pathian atang eng rau emaw han nei thei bik riau mi hi awm thei a ni a. Pathian ang a inngaih ropuina hi mihring te rilru ah hian a piang hma thin. Mahsela maw in la Thlarau mi deuh ni si a Pathian in a hman leh miah loh hi awm thei a ni ve tlat.

Africa rama Zambia a mi Pastor pakhat hian tihdam theihna nei a inchhal in Pathian fapa ang a thlana ni 3 chhung phum a nih hnu ah thihna hneha nungdam in a tho leh ang tiin a Kohhran mite hnen ah amaha thiltihtheihna awm chu a lo hrilh.

He Pastor hi a hming James Sakara a ni a, Zion Church ah rawngbawl tu a ni. Amah ring em em tu a Kohhran te chuan a hma aia an rin zual theih nan a nung chungin thlan ah a inphum tir a, ni 3 ni ah a tho leh ang tih a hrilh bawk.

Zambia’s Diamond TV te tarlan danin he Pastor naupang tak kum 22 leka upa hi mipui te chuan thlan a nung chunga a inphum hian a tho leh theiin an ring vek bik lo. Amaherawhchu a thiltihtheihna hmu duh hrim hrim leh enchhin chak mi 3 te chuan a inphumna tur chu lo phur puiin an lo pui tih hriat a ni.

Thlan chhung ah chuan James Sakara hi an zalh a, a kut pahnih chu phuar sak in leiin an chhilh hnu ah a thawh leh hun tur thu a tiam thlen hma ni 3 chhung chu an lo nghak deuh tawp.

Ni 3 hnu ah chuan a kohhran mite chuan thlan chu an va hai ta a, Sakara chu thochhuak tur awm tawh lovin a lo thi khwng reng tawh. Thlarau thiltihtheihna in kaihharh leh tum eng ang mahse a taksa a daih vek tawh vangin a damkhawchhuak zo tawh lo a, thi a puan a ni ta a ni.

MailOnline te chuan Sakara inphumna a puitu mi 3 te zinga a pakhat chu Sakara thih hnu hian Police te kutah a in pe tih an puang a, midang 2 te erawh chu an tlanchhia tih an sawi. Sakara hian a nupui kum naupang tak mai raipuar lai mek chu a kalsan a ni. Pathian fapa anga thihna hnehtu nih a tum luatah hun lo takah a boral phah ta zawk a ni.