Kan tunlai khawvel chhe tawh tak hian hmangaihna leh khawngaihna te pawh in min kian san zo tawh a nih ber hi. Sualna chi hrang hrang ten hmun tin mai ah hian thla an zar a ni.
Hei zet zawng hmuh a harsa in rilru a va ti na tak em. Mahni hringtu te chan ah dah ngat phei chuan thinlung hi a na vawng vawng mai a ni. Kan nu/pi te chunga thleng tur chuan tumah in kan phal in ka ring lo.
He pitar khawngaihthlak tak hi Mawlameyine Kyuantaw a kawng sirah a monu ngeiin hnuchhiah in a kalsan tih an sawi a, a monu hian sin tur puan leh ei tur tlem nen alo hnuchhiah a ni awm e.
A fapa hian a boral san tawh a, a monu chuan a kalsan dawn hian hruai leh tur angin a insawi bawk a, a awmna ah chuan awm reng turin a ti. Mahse hmuh tur awm lovin a khuangcher bo ta hmak.
Zin mite chuan pitar kawngsir a awm reng hi an lo hmu a, an khawngaih em avang in an tanpui ta a ni. He pitar hi a mo ngeiin a ngaihsak zui tak loh ah chuan tar chhawmdawlna ah dah tura tih a nih thu hriat a ni.