Mizo Elite News hi ṭha i tihzawng a nih chuan min lo Follow dawn nia

Apple Order In Mahse A Thil Order Aia Thil Dang A Hmuh Zawk Chuan A Menphawk Tir Chiang Hle

Thiamna leh finna a sang zel a, tun ah phei chuan bazar kal kher ngai lovin mahni inlum ngei atang kan duh zawng kan chah thleng zung zung thei tawh. Hetih lai mek hian Online Shopping hi chetsual pui phah fe fe pawh tam tak an awm a, thenkhat te erawh an ti fuh leh em em thung bawk.

iPhone hman hi a bikin thalai te ah an intihhmuh nasa a, an thil awh leh neih an chak em em thin pakhat a ni hial. England pa pakhat Nick James, 50 erawh hi chu a vannei bik fia fia khawp mai.

Nick James hi mi hausa chu a ni hran lo a, mahse grocery lam order hi a uar ve khawp. Nikhat chu a hma ang bawk in Order a siam leh a, Apple chah in, a thil orden alo thlen meuh chuan a thil chah Apple a lo ni hauh lo.

A beisei loh leh rinloh tak in Apple satliah ai ah chuan iPhone SE a dawng ta lel zawk a nih chu. James hian a tirah chuan easter egg emaw thil dang a awm a ring a, mahsela iPhone thar hlak a lo awm reng tih a hmuh chuan a thawng hle tih a sawi a ni.

iPhone hi tihsual palh vanga dawng a nilo a, a chhan zawk tak chu online sales website pakhat Tesco Mobile chuan free gifting program an lo nei a, dawr thenkhat ah 80 products chuang vannei dawn tura siam in James hian a vanneihpui ta a ni. He gift dawng tur erawh chuan item eng emaw lei erawh a ngai thung.

James hian a vanneihna chungchang hi mite hriat theih turin Twitter ah a rawn puang a ni. Mitam zawk ten neih zawng zawng hmanga an lei laiin a ni erawh in engmah seng buai lovin iPhone a hum phah ta der mai.