Mizo Elite News hi ṭha i tihzawng a nih chuan min lo Follow dawn nia

Nu Leh A Naute Sut Hlum Vanga Thiamloh Chantir Rawlthar

Rawlthar chhuak tir, tlangval lam pan chho ve tan mek kum 21 a upa Cameron Herren hian Internet a luah hneh hle a, a bikin hmeichhe tam tak atang ngaihven tu a ngah khawp mai.

He rawlthar Cameron Herrin hian vanduaithlak takin mi nunna a laksak a, kum 2018 khan a thianpa nen Tampa, Florida a Gym an panna ah racing neiin hetah hian nu pakhat leh a fanu kawng kan tur chu a Car in alo su a ni.

Thil thlen lai hian Cameron Herrin hi kum 18 chiah a ni a, Ford Mustang GT a khalhchhuak a, nunna chanta nufa hi kum 24 upa Jessica Reisinger-Raubenolt leh kum 1 mi Lillia te an ni. Jessica te nufa hi kawng an kan tur chu Cameron hian a Car hi thunun zo lovin a su a, a hmun ah an boral nghal.

Ford Mustang hi a nu leh pa ten high school graduation puala an leisak a nia, mahse a nun zawng zawng tibuai tu a nih phah ta si. Kum 3 hnu ah a chungthu hi Court chuan a ngaihtuah tha a, kum 24 Jail tang turin thutlukna an siam.

A hmel pawisawilo leh hmelchhe lo tak hian hmeichhia atang khawngaihtu an thahnem a, a that lai hun zawng zawng Jail a hmang ral tur chuan an phal thei lo. Mihring te chuan tihsual chang kan nei theuh a, hun tha dang pek a phu ti mahse nunna hial in a tawrh avangin thiam a chang thei lo.

Hetih lai hian a tuar tu lam nunna chanta nufa chhungte erawh in Cameron hi ngaihdam an tum lo tih a hriat a, a chhe berah kum 30 tal tang turin an duh thung a ni.