Mizo Elite News hi ṭha i tihzawng a nih chuan min lo Follow dawn nia

Euro A England Te Chak Lawm Lutuk Luatah A Hnathawhna A Hotu Berin Hna Atang A Ban Phah

Hlim leh lawm lutuk na hian buaina alo thlen ve thei tho a nih dawn hi. Wembley a England leh Denmark ten Semi Final an khelh tum khan England fans zinga hmeichhe pakhat Nina Farooqi, 37 chu alo phur fal lutuk na ah a hna a chan phah daih.

Nina Farooqi hi inkhelhna hmun ah khan a thian te nen Flag keng in England tan theihtawp in an lo au a, hetia nasa taka phur a, an zuang lai hi TV lam ah chuan chiang kelh kawlh in an focus chu niin a hnathawhna a hotu pa ber chuan a hmu fuh.

Nina Farooqi hian last-minute ticket a neih theih hnu ah Wembley lam an pan a, a hnathawh lai ah chuan rilru pe lovin chhuanlam a siam a ni. Amah hi Digital content producer in hna a thawk a, Ilkley, west Yorkshire atang Euro Semi Final enna tur lam hi an pan.

TV kaltlanga a hnathawk chhawr lai nuam ti tak a England fans tana a phusa chiam a hmuh chuan a hnathawhna Company a ho tu ber Director, Charlie Taylor chuan a hna aiin Euro chu a dah pawimawh hmasa tiin a chawlhtir ta hmiah.

Inkhelh zawh tuk zingah chuan a boss chuan hna ah rawn kalbuai tawh suh tia hrilh in a hna atang a mai par thlawn der. Charlie Taylor chuan Farooqi ban thu ah hian Company in duhthlan tur an nei lo tih a sawi bawk.

Fans 60,000 chuang zet pungkhawm zinga TV Camera in hnai tak maia an thla a lo zoom fuh chat chu Nina Farooqi tan chuan thil pawi leh vanduaina thlentu mai a nih phah ta.