Mizo Elite News hi ṭha i tihzawng a nih chuan min lo Follow dawn nia

Covishield A Lak Hnu Ah Mak Tak Maiin A Mit Ah Thil Danglam Tak A Thleng Tih A Sawi

Hripui Covid19 in min chen chilh mek a, hri lak a inven nan ram hrang hrang ah Vaccine semchhuah mek reng a ni bawk. Mi eng emaw zatin Vaccine hi an dawng tawh a ni.

Covid Vaccine la zingah Social Media kaltlangin thenkhat ten an chunga thil danglam thleng te an tarlang a, a tam zawk erawh chu belhchian dawl lo tak tak pawh a awm nual.

Maharashtra a nu pakhat kum 70 zeta upa chuan Covid Vaccine a lak hnua a chunga thil thleng mak tak chu a rawn puang ve a, Covishield jab a dawn hnu atang khan kum tam a mit khaw hmu tawh lo chu a rawn var chho leh tan tih a sawi a ni.

He hmeichhia hi Maharashtra’s Washim district a cheng Mathurabai Bidve a nia, kum 9 liam ta atang khan a mit hian khua a hmu tawh lo. Mahse June 26 a Covishield first dose a lak atang a mit khawhmuhna 30% atang 40% vel chu a nei kir leh tih a chhal.

Bidve hian Vaccine vanga a khawhmuhna lo let leh anga a puhna hi scientific takin a dik ngei tih fiahna a la awm lo. Thla hmasa khan mitam takin COVID-19 vaccine an lak hnuah magnetic powers nei angin an lo sawi tawh a,an taksa a fian leh pawisa thir an tihbei lai video leh thlalak ang reng te pawh an phochhuak.

Amaherawhchu he thil thleng hi Press Information Bureau’s (PIB) chuan thu belhchian dawllo hulhual a ni tih an puang a, eng magnetic powers mah Vaccine hian a thlen theilo hrim hrim an ti thung.