Mizo Elite News hi ṭha i tihzawng a nih chuan min lo Follow dawn nia

Mo Neitu Turin Tarmit Tello A Newspaper A Chhiar Theih Loh Vangin Monu In Pasal Ah A Nei Duh Leh Lo

In hriatchian lohna vangin inneihna chu thulh a ni chiang hle. A then te chuan an nupui/pasal turin hmeichhia/mipa dang an lo kawp tih an hriatchhuah vang ten inneihna an thulh phah a, hei hi chu a dang daih.

Uttar Pradesh a mi nupa tuak thar ni mai tur te chu an inneihna peih fel tep tawh tihah inneihna thulh a ni. Monu Archana chuan a pasal tur Shivam an a tarmit tello a newspaper a chhiar theilo tih a hriatchhuah hnuah pasal atan a nei leh duh lo tih hriat a ni.

Monu hi Jamalpur village, Sadar Kotwali area a mi a nia, a pasal tur Shivam hi Banshi village a cheng a ni thung. An inneih dawn thlengin monu chhungte hian an makpa tur hi mit lamah chak lohna a nei tih reng an hrelo.

Mahse an inneih hun ah pawh Shivam hian tarmit chu a vuah tlat a, heta tang chiah hian ngaihtha lovin an ringhlel. A tarmit phelha newspaper chhiar turin an ti lui a, a tarmit tello a chanchinbu chhiar chu a lo thei reng reng lo. Monu leh a chhungte hian pasal atan duh leh lovin inneih an thulh phah ta a ni.

Monu chhungte chuan Shivam leh a chhungte hnen ah hian thuamchhawn atan an pek zawng zawng pawisa leh motorcycle chu pe let leh vek turin an hriattir tawh bawk. A pawi khawp mai.