Hripui leng vang in zirna pawh a ti khaihlak vek a. Internet hmanga Online Class hial kal a ngaih hnu phei chuan chhungkaw harsa leh rethei ve tak tak te tan phei chuan a buaithlakna chin tam tak a awm a ni.
Malaysian hmeichhe naupang kum 8 lek Ashley tia koh hian a thiannu chhungkaw harsa ve tak in an ruala Online Class a kal ve theih nan a chhungte puihna hmangin Electronic a lo leisak.
Ashley thiannu hi Nur a ni a, Bukit Mertajam a Chinese vernacular school ah lut ho in an pahnih hian in classmates ve ve an ni bawk. Hripui a len hnu ah Online Class an tan a, a thiannu Nur chu Class an neihna ah a tel ve ta miah lo, Ashley hian a thiannu an zingah Class a kal ve lo a ni tih chu a lo hre ru reng a ni.
A nu hnen ah chuan a thiannu chu Online Class ah a tel ve loh thu a hrilh a, engvanga tel ve lo nge tih Nur nu chu zawt turin a lo ti a ni. Nur nu chuan an chhungkaw harsat vang leh Online Class kalna tur hmanrua an neih loh vangin Nur chuan Class a zawm thei lo tih a sawi.
Ashley hian a thiannu te dinhmun chu naupang te mah nise a hriatthiampui hle a, a tello a Class an kal bik chu a ngaih a ngam lo. A nu hnen ah chuan a thiannu tan thil eng emaw tihsak dan hram kawng dap turin a ngen tawp a, a nu chuan patea Steven Sim chu kawhhmuh in, Uncle Steven Sim Office ah chuan a thiannu harsatna tawh zawng zawng chu a hrilh ta vek.
Nur hringtupa hi security guard hnathawk mai a nih thu te an fanu Online class kaltheih loh vanga an lungngaizia te chenin Steven Sim hian a lo hriatsak. Ashley in a thiannu tana a ngenna chuan a hneh viau a, alo hnawksak thei lo. Personal funds a mi pawisa hmang chuan Nur tan hian Online class kalna tur tablet leisak a ni ta a ni.