Mizo Elite News hi ṭha i tihzawng a nih chuan min lo Follow dawn nia

Hun Harsa Leh Khirh Tak Kara Khawlaia Violin Tum Tu Putar Chu Internet Ah A Lar Hle

Hripui in hei leh chen min chelh chilh hnu ah nungphung pangngai pawh nei hleithei lovin mitam tak an awm a, ennawm chhuah leh intihhlimna chi reng reng te chu khap vek a ni.

Kolkata a cheng putar pakhat Video chuan hun reilo te chhungin Internet ah a lar a, mite ngaihven a hlawh zui hle. He putar hian classic Bollywood mawi tak tak te chu violin hmanga tum in, hun khirh tak karah mite rilru hahna chhawk turin rimawi a tum. A Music Skill turu tak mai chuan mite thinlung a hneh hle a ni.

He putar hi a landan atang mai pawh in chhungkaw rethei ve tak atanga chawrchhuak a ni tih a hmuh theih a,Twitter hmang tu Aarif Shah tih chuan a Video hi a share chhuak.

Aarif Shah sawidan chuan video a violin tum tu hi Bhogoban Mali a ni. Kolkata a Girish Park hnaih lawkah a cheng thin. Violin a tumna lai hmun hi khawi lai tak nge tih erawh hriat a nilo a mahse mite comment na atang Mali hi north Kolkata a Beadon Street velah hmuh a lo ni fo thin.

Video hian reaction pawh a hlawh nasa cher cher viau a, amah hrechiang tura zawnchhuah a tanpuina hlan duh tu mi thahnem tak an awm bawk.