Mizo Elite News hi ṭha i tihzawng a nih chuan min lo Follow dawn nia

Kim Kardashian in a pasal Kanye West nen an inkar a tawp fel hmak tih a nemnghet

Kim Kardashian leh a pasal Rapper Kanye West te inthenna buaihnawk tak hian fans tam tak te a ti phawklek a, damchhung daih tura an inneihna thutiam chu an fate 4 meuh pawh in an chelh ding zo tawh lo.

Kim Kardashian chuan a pasal Kanye West nen nupa an nih tawh loh thu a rawn nemnghet a, Kim hian Instagram kaltlangin a fate 4 nen an thlalak phochhuak in chhungkaw thlalak ah Kanye West chu a tel ve duh tawh lo. Hei hian sawi leh chuan kher ngai lovin a tichiang tawk tawh hle.

Kar kalta a Keeping Up With The Kardashians episode tihchhuah ah khan Kim Kardashian hian an nupa inkar tawp chung chang bakah a pasal hlui dang Damon Thomas leh Kris Humphries te chanchin tarlangin mittui nen pasal zawn kawnga a tluan loh zia pawh a sawi a ni.

Kim in a fate nena an thlalak a post hi an fapa naupang ber Psalm pian hnu lawkah an lak kha ni mahse hetia Kanye nen an inthen thu ngaihven a hlawh chhoh mek laia Kanye tel lova chhungkaw thlalak a post atang hian fans ten ngaihdan an lo siam thiam nghal.

Kim chuan “tlang tak leh thup nei hauh lovin ka tuar thei tawh lo a ni. A kawng zawhna a pianga thlawp tu tur midang ka duhsak a, kei chuan ka tlin tawh lo” a ti. Kim leh Kanye te hi February thla khan inthen thu an lo puang a ni.