Mizo Elite News hi ṭha i tihzawng a nih chuan min lo Follow dawn nia

Natna Thar Black Fungus Cases India Ah A Sangchho Zel

Covid19 len laiin ram mipui ten a do let dan tha ngaihtuah a mangang tak a hun an hman laiin natna hrik thar Covid ang mai a hlauhawm a sawi an hmuhchhuah tak chu India ram ah darh lam a pan zel.

India ram Gujarat ah chuan mucormycosis/ “black fungus” case hi 2,000 chuang teh meuh an awm tawh tih Gujarat government in an puang a, he natna thar hi Epidemic Diseases Act hnuai a mi a nih thu puan a ni.

A tirah khan Maharashtra chu vei tam ah an punghluai. Tunah chuan Gujarat an sang fal. central government data atang Gujarat ah 2,281 mucormycosis patients an awm der tawh.

Mithiam leh ram hruaitu ten he natna thar India ram a awm hi hmachhawn dan tur tha zawk ngaihtuah in hun an hmang leh ta. Ahmedabad a civil hospitals ah special wards siam a ni tawh a. Gujarat bakah hian state dang Delhi, Rajasthan, Uttar Pradesh, Uttarakhand, Madhya Pradesh leh Telangana ah a awm bawk.

Nilaini khan Rajasthan chuan he natna hri thar hi an hmuchhuak a, he natna hi Covid19 vei dam tawh te ah an hmuchhuak leh thin tih expert te chuan an sawi bawk. Black Fungus thihpui hi 250 vel hriat a ni tawh a, Maharashtra chu vei tam lamah a dawttu a ni.