Mizo Elite News hi ṭha i tihzawng a nih chuan min lo Follow dawn nia

Zaithiam Lady Gaga In Rimawi A Luhchilh Tirha Pawngsual Leh Rilru Na Taka Hliam A Nih Thu A Puang

Hringnun ah hian duh vang reng pawh nilo in kan chungah thil a thleng  fo thin. Zaithiam leh lemchanthiam Lady Gaga pawh hi hringnun chhuk chho leh bum boh tak paltlang tawh tu a ni a, a nun tihchhiat sak a nih atang in tun dinhmun hi harsa tak in a thleng a ni.

Kum 35 a upa Grammy leh Academy Award-winning singer Lady Gaga chuan Oprah Winfrey & Prince Harry’s show “The Me You Can’t See.” kaltlang in a nun tihchhiat a nih chungchang a sawichhuak.

Oprah Winfrey te nen an inkawmna ah Lady Gaga chuan tleirawl chhuak a, kum 19 lek a nih ah a music producer in a pawngsual a, hei hi Music Industry a bul a tan chhoh lai kha a ni.

Tin, pawngsual a tawh avang khan nau a pai hman hial bawk niin a sawi. “Kum 19 chauh ka la nia, business ah lutin mahse thil duhawmlo tak chuan min hmuak. Producer chuan ka thuamhnaw hak phelh tur in min ti a ni” a ti. A tirah chuan a thuamhnaw te phelh chu a duh lo hul hual a, mahse Producer hian a thusawi anga a ti duh lo a nih chuan a Music te tihchhiat ah a vau bet tlat si a, dinhmun khirhkhan tak ah a ding.

Lady Gaga chuan a mittui luan tir a, nun hrehawm hmachhawn tir tu mipa hi a hming hmer takin vantlang hriat ah puanchhuah a duh lo a, a ni nen khan engtik ah mah inhmachhawn leh a duh hek loh thu a sawi bawk.

Heng a thil paltlang te hian a taksa leh rilru thleng in nasa takin a hliam a, psychiatrist pan ngai hial in a awm phah tih lungchhe tak chungin mittui nen Interview ah hian a sawi a ni.

Kum 2014 a Howard Stern nen radio interview an neih tum ah pawngsual tawk tawh a nih thu a inpuang a, 2016 ah PTSD a vei tih a puangzar leh nghal a ni. A paltlang zawng zawng te ngaihtuah in Lady Gaga hi a lo huaisen khawp mai.