Kan India ram ah hian misual leh tawrawt tak tak karah mi rilru tha tak tak pawh an lo inphum ru ve reng a ni tih a chiang hle mai. Midang te tana luangchhuak thin thilphal tak tak te hi hmuh an nuam hle.
Hyderabad a traffic policeman pakhat Sirupangi Mahesh Kumar hi a duty na ah naupang chanhai tak tak leh riltam em em te a tawng fuh.
Kum eng emaw chen chu Mahesh hian a hna a lo thawk tawh a, hemi a duty zan hian chenna tur pawh neilo naupang pahnih te chuan dustbin ah ei tur an lo zawng a lo ni a, rei tak chhung chaw ei tur hmu lovin an lo awm tawh a ni.
An bulah chuan naupang pa pawh a awm bawk a, a sawidan in Ameerpet leh Greenlands chhehvel ah te an pafa thum hian ei tur an zawng a, mahse khawi ah mah ei tur reng an hmulo a ti.
S Mahesh Kumar hian an dinhmun te hria a, naupang te riltam lutuk a hmuh chuan a lunch box chu a ipte atang phawrhchhuak in a chaw ei tur ai zawng zawng a vaiin heng naupang pahnih te hi a ei tir ta vek a ni.
#ActOfKindness
Panjagutta Traffic Police Constable Mr. Mahesh while performing patrolling duty @Somajiguda noticed two children requesting others for food at the road side, immediately he took out his lunch box & served food to the hungry children. pic.twitter.com/LTNjihUawn— Telangana State Police (@TelanganaCOPs) May 17, 2021
Mahesh an chenna neilo naupang te a tanpui lai hi a hnathawh pui leh a traffic constable dang chuan a Phone hmangin a lo laksak a, Telangana State Police ah phochhuakin, reilo chhungin nuai chuang thlirtu a nei hman.
Hyderabad a Anjani Kumar, Commissioner of Police in Video a hmuh chuan Mahesh hi lawmpuina hlan turin a Office ah a lo ko hial a ni.