Mizo Elite News hi ṭha i tihzawng a nih chuan min lo Follow dawn nia

Pasal Hausa Bill Gates Nen An Inthen Hnuah Melinda Chu Billionaire A Ni Thar Ve Ta

Khawvela mi hausa tawn taw zinga mi Microsoft hmuchhuak tu pa Bill Gates leh a nupui Melinda te chu kum 27 zet an inneih hnu ah May 3 Thawhtanni khan an inthen thu an puang.

Bill Gates te nupa inthenna hian Media te ngaihven a hlawh nghal hle a,a chhan pawh kum upat tawh lama an inthen ta mai hi mitam tak mak tih a tling.

1994 khan an innei a, an inneih chhung hian fa 3 lai an nei hman. An inthen chiah khan an lo ngaihven em em pakhat chu Melinda in a pasal lak atang hian inthen manah sum engzat chiah nge a chhuah pui ang tih a ni.

Amazon neitu Jeff Bezos leh a nupui an inthen khan a nupui hian sum eng emaw zat a chhuahpui a, khawvel hmeichhe hausa zingah a rawn lang nghal dawr a nih kha.

Mahsela Melinda hi chuan rin ang em em in a pasal Gates lak atang hian sum a chhuahpui hnem lo, amaherawhchu Billionaire ah tal a la lang pha ve tho tho.

May 3 an inthen ni la la khan Bill’s investment firm, Cascade Investment LLC chuan 14 million shares of Canadian National Railway Co ai a tam an thawn a,2.9 million ai a tam AutoNation Inc ah share a chang bawk.

Heng stock price pahnih te hi a hlutna $1.8 billion a ni a, Melinda in share a chan Canadian National Railway shares hi $1.53 billion vel a hlu leh AutoNation shares hi $310 million a hlu a ni thung.

Melinda hian pawisa tam tak a pasal lak atang a chan theih loh chhan pakhat ni a lang pawh an inneih hma in engmah pawisa leh bungraw chungchang ah inremsiamna a awm lo a prenup sign a ni lo. Melinda hian spousal support engmah a phut hek lo. Hei hian an inneihna hi rosum leh pai vang mai a nih loh zia a rawn tifiah hle a ni. Gates hausakna hi $145 Billion anga chhut a ni.