Mizo Elite News hi ṭha i tihzawng a nih chuan min lo Follow dawn nia

Fapa duhawm tak an neih hnu ah Kit Harington leh Rose Leslie te nupa vantlang hmuh ah

‘Game Of Thrones’ ngaina a tuichilh tu te tan chuan an ni nupa te hi chu an mikhual vak lem lo. Hollywood lemchan khawvel ah pawh lar ber te zinga mi an ni hial awm e.

Game Of Thrones co-stars Kit Harington leh Rose Leslie te nupa pawh fapa duhawm tak neia nu leh pa dinhmun dik tak an chelh hnuin vantlang hmuh theih in an rawn inlan ta.

Zirtawpni liam ta khan Jon Snow actor leh a nupui te hi New York City ah bazar tura chhuak dun in shopping trip an nei chu hmuh an ni a, inngeih taka Big Apple kawtthlera kut inkai chunga an han inchhaih vel te pawh an hmuhnawm leh reuh khawp mai.

Kit Harington te nupa hian February thla khan fapa duhawm tak an nei a, tunah thla 2 a upa a ni ve mek tawh.TV series lar zet “Game Of Thrones” ah khan an nupa hian an lo chang dun a,Rose hi Ygritt anga changin Kit hi Jon Snow ang in a inlan a ni. Kit hian Game of Thrones Season 2 a episode 1 zelah khan £360,000 a hlawhchhuak hem bawk.

TV mai bakah a tak ramah leh zel nupa an ni hi fans ten an ngaihven phahna pakhat a ni bawk a, June 2018 khan Aberdeenshire ah damchhunga nupa ni turin an innei.

Rose hian a naupai thu hi Media hma ah hun eng emaw chen a zep deuh ngar ngar hnuin September 2020 a Make magazine tan shooting a neih atang in rinhlelh a kai a, kumin February ah khan fapa nei zui ta a ni.