Mizo Elite News hi ṭha i tihzawng a nih chuan min lo Follow dawn nia

Military Junta Ten Nupa Te Khawngaihna Tel Miah Lovin An Kaphlum Leh,Suu Kyi Thubuai Thar

Myanmar Junta ten khawngaihna an nei lo, pitar,putar leh naupang chen pawh in an thliar hrang chuang lo a, an hma a chhuak mihring tawh phawt chu an ralthuam hmangin dimna tel lek lovin an nunna an laksak zel mai a ni.

Vawiin April 13 Thawhlehni chawhma dar 11 vel khan Nanfalon, Tamu a Pahe Bridge kiang ah Gurkha nupa te an kaphlum leh tih hriat a ni.

Tualchhung miten sawidan in engmah sawi set set lovin Police Officer te hian Gurkha mite hi an silai in an lo kaphlum ringawt. Myoma 2 ward ah an nupa hian an cheng mek a ni.

Thl thlen hun hi dar 11 vel ni mahse darkar chanve hnu ah chauh chanchin chiang takin nenmngheh theih a nih thu an sawi a, mitthi bakah hian mipa 3 te man an nih tel thu an sawi bawk.

Hetih lai mek in Junta ten an hren mek an hruaitu Aung San Suu Kyi chu Naypyithaw ah vantlang hmuh theih turin a rawn inlan a, mahse a chungah section 25 of the natural disaster management law in thubuai awrh belh tir leh a ni tih Thawhtanni khan a Lawyer in a sawi.

Tihian Suu Kyi hi man a nih tang thubuai 6 a nei tawh a, thubuai 5 hi Naypyidaw ah leh 1 hi Yangon ah te a ni.