Mizo Elite News hi ṭha i tihzawng a nih chuan min lo Follow dawn nia

Hailey Bieber i’n a pasal Justin Bieber an rawlthar a nih laia harsatna a hmachhawn hmuh harsa a ti

Kum 24 a upa Hailey Bieber, tuna khawvel mipa zaithiam huhang nei lian ber tih ngam Justin Bieber nupui ni bawk chuan a pasal thil lo paltlang te a hmuh leh hriat harsa a tih thu a sawi.

Dr Jessica Clemons nen an inbiangbiakna ah Hailey hian he thu hi a sawi a,a YouTube Channel ah pawh thlir tur a awm nghe nghe.

Justin Bieber hi kum naupangte a khawvel hriat hlawh a ni a, a kum ala naupang em avangin rawlthar a nih laiin a talbuai a, a hringnun a buai chho hle. Media ten nasa takin an chimbuai a, ruihhlo nen hial a lo tal ve nasa hman.

Hei hi Hailey chuan hmuh hrehawm tak thil a ni a ti a, a pasal in tihsual tam tak nei a midang hma a heng harsatna a paltlang thei hi a chhuang hle bawk. A kum rualpui ah chuan a thil hmachhawn kha harsa leh khirh khan tak a ni ngei tih a ring nghet hmiah bawk.

Pangngai tak a tun hun a thleng thei hian a hneh zia pawh a pasal Justin hi a lo hrilh hial reng a, puitling taka awm a tluksual leh a neih tawh loh vangin a hlim hle bawk tih a sawi.

Hailey hian pasal atan Justin Bieber a neih atang sawiselna leh fakna nasa tak a dawng thin. Sawiselna a dawn te erawh a chhang let ngai lem lo. Amaherawh chu atana pawi leh amah nghawng tha lo siam sak thei lakah erawh a inthiarfihlim daih thung.

Thla hmasa mai khan Twitter a delete thu a puang. Tin, a micro-blogging app pawh a delete thu a puang a, troll a dawn te chuan ‘bad anxiety’ a thlen a, atana tha tur ngaihtuah in a chawl zawk tih a sawi.